घोटाळेबाज नेते काय काय करतील ?

नेत्यांचे फ्लॅटचे घोटाळे पाहुन
निराश झालेला माझा एक मित्र म्हणाला
वाटलं तर आपण फुटपाथवर राहु
पण आपली घरे आपण या नेत्यांना देवु
या नेत्यांच पोट यानं तरी
भरतं का ते पाहु
मी त्याला म्हणालो
तस काही करु नको बाबा
तु घर देशील
तर ते तुझ शेत मागतील
तु शेत देशील
तर ते तुझ सोनं नाणं मागतील
हे सारं विकुन आलेला पैसा
स्वीस बॅंकेत भरतील
आणि आपण फुटपाथवर रहायला गेल्यावर
ते तेथे राहण्यासाठी परत टोल सुध्दा मागतील
पुढे तर...
आपल्याला मुक्त श्वास घ्यायला सुध्दा
टोल द्यावा लागेल
कारण त्यातही भरपुर पैसा आहे म्हणुन
ते या हवेचाही
खाजगी टेंडर काढून जाहीर लिलाव करतील..