देशात लाखो लोक बेघर
हजारो फुटपाथवर राहतात
चढतात नेत्यांचे मजल्यावर मजले
वर फ्लॅटचे घोटाळे होतात
मग सांगा बरं कशी म्हणता
....................ही लोकशाही आहे ?
आम्ही नेत्यांना निवडुन देतो
ते सोईने पक्षांतर करतात
विरोधी पक्षातले नेते सुध्दा
तडजोडीचे राजकारण करतात
मग सांगा बरं कशी म्हणता
..................ही लोकशाही आहे ?
संसदेत आमचे खासदार
कामापेक्षा गोंधळच करतात
नवे घोटाळे दडपण्यासाठी
जुन्याचे हिशोब मागतात
मग सांगा बरं कशी म्हणता
..................ही लोकशाही आहे ?
लोकांसाठी असलेले लोकांचे राज्य
ही लोकशाहीची कल्पना
आता जुनी झाली
नेत्यांनी त्यांच्याच साठी
चावुन चावुन खाल्लेले
नेत्यांचेच राज्य ही कल्पना
आता सर्वार्थानी रुढ झाली
मग सांगा बरं कशी म्हणता
....................ही लोकशाही आहे ?
कोणत्याही टिप्पण्‍या नाहीत:
टिप्पणी पोस्ट करा